البنات مش كده ؟؟؟!!!! ... مقال جديد
البنت بتحب اللي تفهمه إنها رومانسيه ورقيقة ...نسمة ، حتى لو كانت عاصفة ما هو أهبل أصلها قدرت تسحره بكلمتين . وآه بقي لو قالت له كلمتين حلوين ، بكدا تبقي لفته ودخلته جيبها علي طول أو علي عرض مش هتفرق المهم إنه دخل . الولد بيحب البنت المطيعة اللي تبين له إنها بومبونايه وما بتقولش غير نعم وحاضر ويحب يبان سي السيد حتى لو كان عتريس مش مشكله يغير للسيد ،، مع إنها بتسايره يوم إتنين بس بعد كده بياخد من أبو ورده .
الولد بيحب البنت اللي تبتسم وتبص وبس وهو بقي خايب يدخل أوضته ويشغل أغنية لعبد الحليم ويعيش دور " روميو " مع أنها بتكون ناسيه خاااااااالص وممكن تكون قاعدة في المطبخ أو منفضة وبتسمع التليفزيون وهو يا عيني عايشلى دور الحبيب.لو بنت ضحكت لولد أوعي خلاص وسع البنت دي بتموت فيا ويبقي فرحان ومبسوط طحن قوي تحس كدا يا عيني إن مفيش حد كان بيبصله أصلا ويمشي بعدها ولا فرعون زمانه ليه مش عارفه . الشباب بيفضلوا يذموا في البنات ، مع إنهم مايقدروش يعيشوا من غيرهم أبدااااااااااااااا كلاهما في احتياج للأخر وبرضة بيعيشوا زي القط والفار فعلا سبحان الله . والنتيجة :- واحد× واحد وضربات الترجيح هي اللي هتحســـــــــم 
الجمعة أبريل 22, 2011 10:26 pm من طرف زائر
