كفايه نوم ويلا نصحى

عدد الرسائل : 26 لأوسمة : تاريخ التسجيل : 22/11/2008

ياترى لسه فاكرين فلسطين ولا نسيناها لسه فى قلوبنا ولاتاهت وسط همومنا ومشكلنا أكيد طبعا فى قلوبنا

ياترى أحنا عارفين ان فلسطين بتاعتنا أيوه ملكنا ملك المسلمين مش ملك الفلسطنين وبس

طبعا بتسألوا ازاى أقولكم ازاى

كلنا اكيد عارفين ان لو عندك ضيوف تقريبا كلكم فى نفس المستوى الدينى وعاوزين تصلوا جماعه لابد وان تكون انت الامام

ممكن ترجعوا معايه واره شويه ونفتكر رحلة الاسراء والمعراج ياترى مين اللى صلى إمام بالانبياءفى القدس

أيوه فعلا هو الرسول ودا معناه انه صاحب المكان

ياترى أحنا عارفين ان فلسطين هى ترمومتر الاسلام أيوه ترمومتر الاسلام

كل ما كان اسلام حقيقى وصادق كانت فلسطين ملكنا

وطبعا كل ماكان اسلام وهمى قصدى مسلمين بلا اسلام كانت ملك لاعداء الله

تيجوا نجاهد

ياترى نفسك تجاهد بجد ولا كلام يعنى لو جات لك فرصه تجاهد هتروح ولا هتخاف وتقول بلاش

عموما الجهاد اللى أنا اقصده مش بالسيف ولا المسدسات ولا غيرها دا جهاد اصعب بكتييييييير

جهاد النفس

ياترى نقدر عليه نقدر نكون مسلمين بإسلام ولا صعب علينا نقدر نمنع نفسنا من معاصيها ولا........

فيه أيه كريمه بتقول""وماكان الله ليغير ما بقوم حتى يغيروا ما بأنفسهم""

ودا اللى أنا بطلبه كفايه غفله كفايه نوم يلا نصحى علشان ربنا يرفع بلائه عننا

وحبيت اقول اكلام ده فى الوقت ده علشان فى فرصه جديده قدامنا

هناك نفحه

ايوه عدت نفحات كتيره رمضان وما قبله بس من رحمة ربنا ان نفحاته طول السنه وأهوه

فيه نفحه جديده هتبدأبكره وهى العشره الاوائل من ذى الحجه ياللا نتوب فيهم ونفوق فيهم أكيد ربنا هيسامحنا

عارفين ليه لان هو اصلا بيحبنا أيوه بيحبنا ولو مكنش بيحبنا مكنش خلقنا مكنش انتظر توبتنا مكنش جعلنا مسلمين ولا ايه رأيكم

وطبعا متنسوش ندعى لفلسطين