إلحقووووووووووو يابلد
إلحقو يابلد الحقو يابلد ابا العمدة مات بيجرى الواد العبيط فى البلد وبيزيع الخبر ابا العمدة مات ابا العمدة حسنين مبروك مات كل ال يسمع الخبر يجيلة حالة من الزهول محدش مصدق انة مات لإن البلد فيها ترعة وفيها مصرف كبير وفيها وابور طحين وفيها هورى كمان
البلد بتزرع قمح وقطن ودول بتوع حسنين مبروك اما بقى البهايم والبرسيم والعلف والتبن دول بتوع حسنين مبروك برضة حتى الناس ال فى البلد حسنين مبروك ورجالتة مسيطرين عليهم حتى كل بهيمة او معزة سارحة او شوية غلة رايحة وابور الطحين تنفع اغنية صح ماعلينا نكمل احسن
فجأة كدة يصحو أهل البلد الصبحية يلاقو كبيرهم كدة مات
صعبة دى خرج اهل البلد للشوارع محدش مصدق ولا حد دارى باللى حوالية ناس بتبكى وناس مزهولة وناس بتضحك بدون سبب محدش بيطيقة اصلا بس دة كبيرهم
سارقهم وناهبهم ومجوعهم ومشردهم بس كبيرهم وابوهم وامهم وانور وجدى قصدى كل شئ بالنسبة لهم
ياترى ح يسيبهم لمين من عصابته
ح يسيبهم للواد أبنه بتاع المسخرة .ولا لمراته القرشانة اللى جاية من البندر تنهب فى بلدهم هى وعيالها.
ولا ح يسيبهم لشيخ الغفر حسن الطهطاوى اللى مالوش عازة.ولا لشيخ البلد عامر سليم.اللى مية من تحت تبن.ومحدش يعرف له قرار.
البلد محتارة والأشعات بتطلع.ومحدش مصدق الواد العبيط دة
وكله بيضرب كف على كف قعد راجل كبارة فى البلد على المصطبة ولم حواليه كبارات البلد يتكلموا.ياترى ايه اللى جاى بعد مبروك اول ماتكلم الراجل قال:
أحنا كلنا لا بنحبه ولا بنطيقه.وكلنا حاطين البلغ القديمة فى حنكنا ومحدش قادر يتنفس.بس برضه هو كان ماسك البلد مسكة صح
بيسرق أه.بينهب جداً.بيفترى أوى.ماعندهوش رحمة أكيد
كداب كبير وضلالى.لكن برضه هو حاسب حسابه.مظبط أموره مع البندر.ولامم الواغش عن البلد.وأهى ماشية بستر ربنا
ورد كبير من الكبارات وقال ولما هو حرامى ونصاب وكداب احنا ساكتين علية لية يا ابا الحاج مش مصدقين لية انة غار وربنا زال عننا الغمة وفرجة قريب وبعدين كل واحد يعرف يشوف بعد كدة مصلحتة رد علية واحد تالت وفكرك يعنى عصابتة وشوية الغفر بتوعة وكبارات البلد ال واكلين خيرنا وخير البلد هيسبونا فى حالنا رد الكبير عليهم وقال كل دة مش مصدقين انة مات ولساكم بتقولوا لما حيموت والله الراجل دة عمل فينا عمايل لدرجة اننا مابقناش مصدقين انة بشر وهيموت
وفى وسط القاعدة مر عليهم شيخ الجامع راجل صغير الحجم بذقن صغيرة وبيقول من كان يعبد الله فالله حى لايموت ومن كان يعبد مبروك فمبروك مماتش وقاعد على قلوبكم يابلد عايزة الحرق والولعة. بصولة وهما ساكتين كل واحد مصمص شفايفة وسكت زى الولاية من كبيرهم لصغيرهم شيخ الغفر شخط فيهم وقال جرى اية يابلد عايزة يتولع فيهابجاز وسخ ملمومين كدة لية اية ياعالم ياسو .فاكرين ابا الحاج مبروك مات هع هع هع وكمان واحدة هع لا اطمنو دة قاعد على قلوبكم لسة وادية هناك اهو ماشى فى الغيط بتاعة وبتاعكم بيشوف محصولة ويطمن علية نقبكم على فاشوش هش هش هش على بيتكم يابهايم ومش عايز اسمع صوت. مش قولتلك معانا مش هتقدر تغمض عنيك
الجمعة أبريل 22, 2011 10:26 pm من طرف زائر
