عموما المهندسين دايما حافظين مركزهم مهما تحاولوا يا دكاترة
الدكتور مراته تقوله تتعشي إيه
أكيد هيقولها : ( نوفالجين بالسيبتازول ) من عند محمد علي وعنده العشاء 3 مرات في اليوم
متاخدش منه حاجة غير ( بخلع درس ) بالذات لو دكتور أسنان
عايز من مراته ( عناية مركزة ) وإلا هيتجوز عليها بالذات لو أمراض نساء
حبه ليكي ( كامل الدسم ) و ( خالي من الكوليسترول ) وكل يومين هيعمل لك
مقاس نضارة جديد عند زياد لو دكتور عيون
الفرق بين الطب والصيدلة والأسنان والبيطري
الطب : أن تشعر المريض بأنك ملم بكل ما في الوجود بالذات عندما تسأله مثلا : التعب ده
عندك من امبارح أكيد فتفاجأ بأنه يقول لك وأنت في ذهول : دا من 6 شهور يا دكتور
فتقول : أه أه ... مخفياً إحراجك وتكتب أي مضاد حيوي علي أي حاجة
الصيدلة : بقال أدوية لكن مكسبة أكبر من بقال السوبر الماركت وإذا كان بقال السوبر
ماركت بيجيب البضاعة ع الموتوسيكل فممكن تلاقي بقال الأدوية بيجيبهم علي فيزبة
الأسنان : كل الضروس تحتاج لخلع وكل الأعصاب تحتاج إلي حشو وكل الأسنان مسوسة
نتيجة لإهمالك لهم في الطفولة ... وتعدي عليه الاسبوع الجاي اشيلك الجير
البيطري : ما أقدرش أتكلم إحتراما لصديق عمري الدكتور الشاذلي بس ليه
تساؤل بسيط ليه الفراخ اللي عندها إنفلونزا مبتعطسش زي الانفلونزا بتاعتنا
أحوال الدكاترة والله يا عم محزنة ومؤسفة وتبقي أمك داعية عليكي لو اتجوزتي دكتور
علي إيه يا نضري
المهية في المستشفي 400 جنيه و 700 جنيه لو مسك مدير ولو فاتح عيادة هيصرف
عليها من جيبه الناس بتجيب العلاج م النت وكمان شوية هيلغوا الدكاترة خالص
لكن المهندسين هم اللي عملوا السد العالي اللي حامي مصر وهم اللي
دخلوا الكهرباء البيوت بمحطات التوليد وهم اللي بنوا الفنادق والقنصليات والسفارات
وهم اللي اخترعوا الكمبيوتر والنت واللاب توب وهم اللي اخترعوا
وطوروا في اشكال وألوان العربيات
راجع نفسك يا دكتور محمد و إنت ممكن تحول هندسة ومتخافش نقابة المهندسين
صدرها رحب لكل الناس حتي اللي غلطوا فيها في يوم من الأيام وشكرا
الجمعة أبريل 22, 2011 10:26 pm من طرف زائر
