واحد من الناس
Admin
عدد الرسائل : 653
لأوسمة : 
الهواية : 
تاريخ التسجيل : 22/11/2008
 | موضوع: دماغنا ياعم....انا ماليش فى السياسه  الأحد أبريل 12, 2009 7:32 pm | |
| معلش اصل انا مابفهمش فى السياسهانا مالى ياعم انا ماليش فى الكلام دهلاااااااااا انت عايز تودينا فى ابو نكله ولا ايه وطى صوتك ..الحيتان ليها ودانوغيره وغيره من المصطلحات الشهيره اللى يخوف فعلا فى الموضوع انتشار ظاهره الشباب اللى مالهومش فى اى حاجه
غير الكلام الفاضى تلاقيه استاذمن فتره فى السبعينات مثلا والتمانينات كنا نشوف فى الافلام الشاب اللى لابس محزق ومطول شعره وسلسه فى رقبتهكان بيقولو عليهم خنافس او فرفور او غيره الشباب ده كانو ولاد ناس مبسوطين ماديا مش لازمهم يعنى عشان كده كان بيطلع مالوش فى اى حاجه لان اهله مدلعينه ومش محسسينه باى مسئوليه
انما الشاب اللى من الطبقه الاقل ماديا ودول اغلب الشعب كان بيكون راجل فى تصرفاته واحساسه بالمسئوليه او زى مابيقولى" الفقر عضه" فبيطلع عضمه ناشف
انما دلوقتى ماعدتش تفرق غنى من فقير كله بقى هيبيز
اعرف اسر توفى الوالد والام هى اللى بتصرف على الاسره ومع ده الولد بيطلع ماعندوش اى احساس بالمسئوليه
مجلجل شعره وكل اللى فى دماغه الالبوم الاخير بتاع الواد ابو شعر فى صدره ولا المطربه السلكونيه
وتلاقيه طول الليل عمال يرغى فى الموبايل اللى والدته جايبهوله مع المزه بتاعته
وتلاقيه صاروخ فى الكلام ده
ولا الكوره يناقش خطط لعب المنتخب 4.4.2 ولا 3.5.2 احسن يقارن بين متعب وذكى ومن بيستلم تحت ضغط احسن ومن بيؤدى واجبه الدفاعى اكتر و...و...
ولا الرنات والكوووول تون
استاذ ورئيس قسم
وتيجى تكلمه عن البلد واللى بيحصل فيها
تلاقيه ميييييييييييح
انا مالى ياعم انا مابفهمش فى السياسه ومابتكلمش فيها
طيب ماتكلمش فى السياسه اذاى
دى السياسه هى اللى بتحددلى هالبس ايه لانها بتتحكم فى الاسعار وبتتحكم فى الوظايف يعنى هتاثر عليا هشتغل ايه وبكام وهيتوفر معايا فلوس قد ايه وهشترى لبس بكام
مافهمش فى السياسه ازاى وهى بتاثر حتى على ايه اللى هاكله لانها بتاثر على اسعار الاكل والشرب
ماتكلمش فى السياسه ليه اذا كانت السياسه بتاثر على مستقبلى وبتحدده كمان سواء اتعلمت ايه والمناهج اللى اتعلمتها وتفكير ى بقى ايه لانها كمان بتتحكم فى التعليم
مافهمش فى السياسه ازاى اذا كانت السياسه بتاثر حتى على اختيار شريك حياتى
لانها طبعا هتاثر على مستوى المعيشه للاتنين يبقى الاختيار هيكون فى حدود الامكانيات الماديه اول شئ واخطر شئ بعد كده نبدء نفكر فى مبادئ الاختيار التانيه
هى بنت مين وهجيبلها شبكه بكام وهتسكن فين وبكام وهتعيش فى اى مستوى
يعنى باختصار السياسه بتاثر على كل شئ فى حياتنا لااااااااااااااااا دى هى اللى بتصنع كل شئ فى حياتنا مش مجرد تاثير بس
بعد ده كله ماتكلمش فى السياسه ومافهمش فيها
طيب ازااااااااااااااااااااااااى.............؟؟؟ | |
|
