الحقي يا أم زكي زكى بيعيط

[size=12]يا ست يا أم زكى زكي بيعيط
المرة ده الموضوع كبير حبتين أو صغير حبتين زى ما تشفوه أنت بقى
بصوا كدة وعلى بلاطة نخش فى البيعة الجديدة والمرة ده هنقول اسامى على المتغطي كدة
بصوا يا سيدنا فيه قانون جديد فى العصر المباركي السعيد أن أي مصري قادر يشيل حتة أرض فاضيه فى الصحراء ويدفع ثمنها للحكومة أوك مافيش أي مانع
ويشيل يعنى ايه يعنى سيادة المواطن اللى معاه فلوس قادر يبص على حتة أرض متخصش حد ويرفعها ، يرفعها يعنى يحط أيده عليها بس أزاي يقوم رايح الجيش لمهندس المساحة ياخد ورقة أن ما فيش أي علاقة للجيش بحتة الأرض اللي حط عينه عليها .
وبعدين يروح وزارة الزراعة يخلص الورق أنه مش تحت أي حيازة زراعية لأي مواطن مصري أو تخص أي جمعية
المهم مشوار للوحدة المحلية ووزارة التنمية وشوية مشاوير يبقى تحت أيده حتة أرض صقع وهو وبخته الحكومة بتبيع برخص التراب
يعنى يشترى المتر بمائة جنيه بعد شهر ممكن بعد رفعها له أي امتلاكها يبيع المتر بألف بخمسمية هو وشاطرته
المهم الست مرات اللواء زكي حطت عنيها على حتة أرض حلوة وصقع على طريق مصر إسماعيلية الصحراوي .. 5700 متر مربع
حاجة كدة فى الجون يعنى
طبعا مش هتعرف تخلص لوحدها ما دام العميد محمد فى الرقابة الإدارية ممكن يقف فيها
المهم الست مرات اللواء زكى أم ميدو
راحت للعميد محمد قالت له يا أبو حميد حتة الأرض ده عايزها أيه رأيك
- بس كدة يا ستى خلاص نتفق.
- وماله نتفق وراح مميله عليه
- قالها لأ فهمتينى غلط أنا هاخد نص الأرض و250ألف جنيه قولت إيه
طبعا الصوت أتغير واللهجة أتغيرت .
اللواء زكي أبو ميدو أضايق أزاي العميد محمد يعمل كدة
ده حتى الكلاب متعضش ذيول بعض أزاي يتجرأ ويأخذ نص الأرض وكمان عايز 250 ألف جنيه هو ميعرفش اللواء زكى مدير أكبر قارية سياحية فى المنطقة ولا إيه
المهم اتصال من اللواء زكي للعميد محمد عشان يخلص الموضوع .
رد العميد زكى وقال :لا أنا كمان مش هدفع للحكومة حاجة أنتم اللي توردوا للحكومة ثمن الأرض
المهم أم ميدو دماغها ناشفة قالت :لأ تلت الأرض بس تأخذه ومفيش250 ألف جنيه وغير كدة لأ
قال العميد محمد : طيب لأ لأ
قام العميد محمد من الرقابة الإدارية وطبعا مسئولية الرقابة الإدارية هي محاسبة المرتشين راح نازل مخلص حتة الأرض لحسابه الخاص 5700 متر مربع قبل الكرتة على طريق مصر إسماعيلية الصحراوي
والحقيقة العميد محمد رش كويس لمهندس المساحة فى الجيش ورش فى كذا حتة يعنى الأرض جت بالعرق برضه
المهم الست زعلت قوى وغضبت والموضوع أتحول لخناقة
اللواء زكي أدخل
والكلب طبعا ميعضش ودن أخوه
المهم الأرض كانت لأزم تتقنن وتترفع تبع شركة استصلاح أراضى
واتقننت واترفعت باسم الشركة واستلمها العميد محمد
الولية مرات اللواء زكي أم ميدو زكي شاطت وهاجت وماجت
المهم العميد محمد قال لها خلاص هي أرض أبويا أنا ميخلصنيش زعلك أنت عرضتى على تلت الأرض وأنا رفضت
لكن أنا كريم هديكى اللى أنت عرضيه عليه ..أيه رايكم دام فضلكم
والحقي يا أم زكي زكي بيعيط
يا ست يأم زكي زكي بيعيط

[/size]