شبيك لبيك ..مش هتقدر تغمض عنيك

اكيد فية مننا بيتفرج على الافلام و المسرحيات
و اكيد برضه مننا سمع قصص و حواديت زمان
و اكيد برضه فينا من حلم احلام فيها كوابيس مش تمام
بس احنا لما نيجى نتلكم دلوقت
هنتكلم عن النوعيه اللى بيبقى فيها عفاريت و اوهام
امان يا ربى امان
طبعا انتو لما كنتوا بتتفرجوا او تسمعوا او تحلموا
كنتم بتشوفوا عفاريت أشكال و ألوان
يعنى مثلا من افلام زمان
افلام اسماعيل ياسين
كان العفريت اهبل و اهطل و على نياته
اللى هو بتاع يا مصطفى
اللى طلع من المصباح السحرى بتاع زمان
و بتاع الافلام الاجنبى
تلاقيه شكله وحش و شرير
اللى تلاقيه بيطلع من خاتم سليمان
و اللى يطلع من كيس بلاستك و اللى يطلع من الكوز
و اللى يطلع من ازازة برفام
و الغريبه ان كل الحاجات دى سحريه كمان
يا حلاوه زمان
بس سألتوا نفسكم قبل كدا هذا السؤال
ليه العفريت لما يطلع من المصباح السحرى بيضحك
و بيضحك على ايه؟
اى عفريت اول ما يطلع من البتاعة اللى كان فيها
يضحك ها ها ها ها
هع هع هع هع
طبعا بصوت عالى و فيه صدى صوت ضخم عشان
الزبون يترعب و يخاف و يكش من دا الوش
و فى نفس ذات الوقت نفسه تلاقى الجمله التانيه
المشهوره شوبيك لوبيك
و فى روايه اخرى شوبيك لوبيك
سمسارك ادام عينيك
و روايه اخرى شوبيك لوبيك
مش هتقدر تغمض عينيك
........
السؤال هو بيضحك ليه ؟
بص يا فندم بصى يا فندمه ( مؤنث فندم بالفكاكه طبعا )
بعد تدقيق و تفحيص وتمحيص
تم الوصول الى هذه النتيجه
و يمكن برضه يكون ما صدق ان حبسته انفكت
خلاص و اخد افراج ( طبعا مفيش حد بياخد افراج
عندنا دلوقت كله يقوله يجدد حبسه لمده 45 يوم
على زمه التحقيق و بعدها ممكن يفكروا مجرد فكره
انهم يفرجوا عنه بكفوله قصدى كفاله )
فرحان بقى اللى هو خرج و حس بالحريه
سواء كان مصباح او لمبه 120 او لمبة بتاعة عمك عاطف بتاعة زمان نمرة خمسة نمرة عشرة حسب الايراد بتاع الارض او كوبس كهربا
او حتى خاتم ولا سلسله
ولا حتى ازازه بس طبعا لازم تكون سحريه
انشالله حتى قرطاس سحرى
المهم بقى خلونا فى موضوعنا
ممكن برضه بيكون بيضحك على الاخ الساذج ده
اللى هو متخيل نفسه ان هيعرف يحقق أحلامه
و طموحاته فى البلد اللى عايش فيها
لمجرد انه طلعله عفريت دا انت حتى لو طلعلك قبيله عفاريت انسى يا عمرو
طب بلاش كل دا يا عم و خليك معايا هنا
بما ان المذكور عفريت يبقى عارف انت ممكن
تطلب ايه و بتحلم بايه و بتتمنى ايه
دا مش سبب كافى انه يضحك و يسخسخ من
الضحك
مش بعيد يروح فيها كمان و ميلحقش يقولك شوبيك ولا لوبيك
طب قولى كدا لو طلبت هتطلب ايه ولا ايه و لا ايه
هتطلب ميه نظيفه
ماتدفعش الكهربا و الميه والتليفون
و الغاز كمان
هتطلب انهم ميكسروش فى الشوارع و يسبوها على حالها المايل
هتطلب انه يقلل من الاسعار
هتطلب هوا نظيف
هتطلب ان يشغل ابنك اللى متخرج بقاله سبع سنين
دا فى ناس بقالها 15 سنه مستنيه جواب التعيين من القوه العامله
يعنى خليه يستنى كمان 8 سنين
هتطلب منه انه يخلى بنتك تخرج براحتها و تمشى فى الشارع و هى مش خايفه
يا جدع زمانك انت اللى بتضحك دلوقت او انتى اللى بتضحكى
كل دا و مش عايزه العفريت نفسه يضحك
و عندك بقى قصص متوارثه كتيييييييير
عن العفاريت و أفعالهم
عند سعادتك فى قصه مأثوره و شهيره جدا مش عارف اذا كنتم سمعتم عنها ولا لا
القصه المشهوره بتاعة الراجل العراقى اللى كان ماشى فى العراق ( سبحان الله )
فى التمانينات و كانت أيامها العماله المصريه مغرقه العراق فى الوقت دا طبعا
و الراجل دا ماشى يسب و يلعن و مش لاقى شغل و حالته بالبلى و فجأه طلعله العفريت
مش هتفرق منين هو طلع منين يمكن بلاعه سحريه او من الدولاب السحرى
او اى حاجه سحريه برضه
و بعد الشويه اياهم اللى احنا قولناهم
ايه مش فاكرين
لحقتوا تنسوا الفيلم الهندى اياه
هع هع هع هع
و شوبيك و بفتيك و الكلام دا
المهم الراجل دا كان قنوع قوى
كان عنده طلب واحد بس هو طلبه الاول و الاخير
هو انه يطرد كل المصريين اللى موجودين فى العراق و يوزعهم على مصر
او فى اى مكان تانى
فكان رد العفريت
دا انت راجل تيت ....و. تيت ...و. تيت
..و... تيت ......و..........
( معلش الباش مهندس احمد عدى على الموضوع و قطع
منه الاجزاء دى )
و كمل العفريت كلامه و قال للراجل
اذا كنت انا اصلا مصرى
( الظاهر ان العفريت دا مكنش لاقى شغل فى مصر
فرحلوه على العراق على ايد الوزاره العفريتيه )
من مصر للعراق حتى كفر السودان يا قلبى لا تحزن
حتلاقى من دا كتييييييييير
يعنى لما يكون طلبك من العفاريت
طلبت منه عاروسه ملهاش فى الشات اللى كلنا بنسمع عنه
اعوذ بالله من اللى بيحصل فيه من ألفاظ و عبارات تخدش حياء اى فتاه او اى حد محترم
طبعا مش هيكون عن العفريت غير رد واحد بس و هيقولك
جيتلك يا عبد المعين تعنى لاقيتك يا عبد المعين
عايز حد يعينك
هيقولك
كنت نفعت نفسى و سكنت فى سحابه ملوكى بدل الزنقه اللى انا كنت مزنوقها دى
او حتى مكنتش اشتغلت الشغلانه الهباب دى اللى
جايبالى الكافيه
دا لو طلع لواحد منهم ال بالى بالك بعيد عن السامعين و لسه هيقول هع هع هع
و قبل ما يقول شوبيك
خدوه على ابو زعبل دا من الاخوان دا معارض
ولو سابه يقوله شوبيك و بفتيك
هيقولك هسألك سؤال
هل انت من المؤيدين لحكوماتى ام لا قدر الله من المعارضين
كل دا ومش عايزه يضحك
و صادف مره واحد كان ماشى على الترعة الغربية اسمه الأف
و ماشى فى امان الله كدا و عمال يفكر
المهم طلعله عفريت
محدش يسألنى منين

انتوا عارفين
صح من طيارة وصيلة من كوبرى بونو المهم العفريت بقى عمال يقول الشوية بتوعة
ها ها اها ها
شبيك و لبيك و بفتيك فى ايدك
الأف دا بصله كدا من فوق لتحت
انت عفريت هتعرف تعمل حاجه
قاله قولى طلباتك ايه ؟ طلباتك مجابه
المهم حظ العفريت الاسود ان الاخ مهتم باحوال البلد و قاله انا عايز الرصف فى البلد يكمل والصرف الصحى. الشباب الخريج بقالة سنين وشغال فى المصنع فى السالمية وفى فوة وعايز موقف للبلد ويظبطو المدارس والناس تحب بعضها وتكون كفر السودان يد واحدة اتكتم و معرفش يتكلم
شويه و هرش فى قرونه كام هرشه كدا و بعدها تنح و قاله
يا عم شوفلك طلب تانى متحرجنيش معاك
قالوا بقى كدا اوك يا عفريت
انا عارف انت مش ناوى تجيبها البر
المهم قاله انا عايز بقى
الانتخابات تكون شريفه و نزيهه ويصلحو نتيجة الاستاذ محمد الحليسى لانة يستحقها بجدارة وانت عارف كدة كويس وعايز كبارات البلد يفكرو فى الشباب شوية ويحاولو يساعدوهم فى اى شئ
و عايز حكايه الكوسه و الوسطه دى تتمسح
و عايز العدل فى الحكم
و عايز...... و عايز........ و عايز.....
المهم العفريت بعد ما نام شويه صحى لاقاه لسه بيقول
عايز .... و عايز......
قاله يا عم قصر وريح دماغك وريحنى ورجعنى مكانى تانى انا اية ال خرجنى من طيارة وصيله . عرفت دلوقت العفريت بيضحك ليه و على ايه ؟
لو طلعلك عفريت انت بقى هتعمل معاه ايه ؟
و لو لقيته بيضحك ( لازم بيكون يضحك ولو مضحكش هيكون عفريت من اياهم بعيد عن السامعين ) هتعمل معاه ايه ..............مش هتقدر

شبيك لبيك ..مش هتقدر تغمض عنيك N879790510_2565238_7644

شبيك لبيك ..مش هتقدر تغمض عنيك N666810494_2639236_6640

من هو زنديق هذة الامة كل الشعب يعرفة هو من يقوم بتشوية صورة الاسلام امام العالم العربى الله يرحم شيخنا الكبير الشيخ كشك عندما قال علية انك لست بعادل ولست بإمام ايها الزنديق كل منا عرفة الان وهو المدعو (عادل امام كل هدفة تشوية صورة الاسلام فى جميع مهازلة قال اية الفنية حسبنا الله ونعم الوكيل اتركم مع الصورة

شبيك لبيك ..مش هتقدر تغمض عنيك Azz23