نداله ابو جهل .......

لمح ابو جهل زيد ابن عمرو ومعه ناقه جديدة لم يرها معه من قبل فناداة لتبدأ قصه حفظها لنا التاريخ بعد ان صارت مثلا على ندالة ابو جهل واليكم سيناريو ما حدث:
ابو جهل: يا زيد ويحك, ازيك يا مان, جبت الناقه الجامدة دى امتى؟؟؟
زيد : اول امبارح بس لسه ماسجلتهاش
ابو جهل : طيب خلينى اجربها, بربك هبل ماتكسفنى يا شيخ
زيد: يا عم بقولك لسه ماسجلتهاش ماينفعش تمشى من غير نمر
ابو جهل: لفه واحدة بس, ماحدش واخد باله, اقفز ورايا يلا
ولم تجد الموانع نفعا امام اصرار ابو جهل فركب وراءة زيد مستسلما وشد ابو جهل اللجام على الرابع وخرج الى الطريق العام وهناك قابلتهما لجنه قال ابو زيد مفزوعا : لجنة يابو جهل, انزلت الآلهه غضبها علينا يا ابن المؤذيه
ابو جهل: استنى بس انا هاعديك منها... دع الأمر لى
واوقف ابو جهل الناقه وسأله العسعوس ( العسس يعنى) : ايه السرعه دى؟؟ والناقه من غير نمر ليه؟ هيا بتاعة مين؟؟
ابو جهل : صباحه قشطه, معلش اصل كنا بنجرب النقلات
العسعوس: النقلات؟؟ باقول الناقه دى بتاعة مين؟؟
زيد : بتاعتى يا باشا
العسعوس: فين الرخص؟؟
زيد : اهه بس اصلى لسه ما جددتهاش
ابو جهل : اللعنة عليك يا ابن عمرو, ما جددتهاش ازاى؟؟
زيد : لا تلمنى وورينى يا فالح هانطلع منها ازاى
فترجل ابو جهل من على الناقه وحاول يظّبط العسعوس بكلمتين لكن العسعوس اخبرة انه لابد ان يمسك احدهما الليله والنداله اشتغلت على طول فرتب ابو جهل بعدما روق العسعوس انه يطلع منها ويسيب زيد يتقفش وسأل العسعوس ابو جهل بصوت هامس: معاك البطاقه الجديدة؟؟
فرد ابو جهل : ايوة معايا
العسعوس: وصاحبك؟؟
ابو جهل : لأ ضايعه منه
العسعوس: حلو يبقى عرفنا هانقفشه ازاى
رجع ابو جهل يبشر زيد: انا ظبّطت صاحبنا بس ادينى بطاقتك
زيد : ماذا دهاك يا ابو جهل؟ مانت عارف انها ضايعه من اسبوعين
ابو جهل : اذن استنى شويه لما اشوف ممكن اعمل ايه
وبعد برهه رجع ابو جهل الى زيد واخبرة ان العسعوس حالف عليه بالات والعزى مادام ممعهوش لا رخصه ولا بطاقه لكون مبيته فى التخشيبه الليلادى
زيد : وانت هاتسيبنى كدا يا ابو جهل؟؟
ابو جهل : لأ لحد هنا واربط, انا ورايا رحلة تجارة للشام بكرة ولازم انام بدرى
زيد : كدة يعنى شغلت النداله يا ابو جهل؟؟ ماشى
ابو جهل: لا يا شقيق, بل سأدعو لك الآلهه حتى تخفف عنك محبسك, اقعد بالعافيه بقى.