نكت سياسيه هتودينا فى دهيه

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

..................
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى

......................
واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض
............

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

...................

سأل الرئيس وزيره : كيف حال الشعب بعد ما
غلّينا العيش ؟
فقال : يا سيدي بياكل زفت
فقاله : طيب غلي الزفت

................
في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى
...................

كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح

.............................

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم
...............................

مرة الريس عايز يزود شعبيته فقال لرئيس الوزرا يعلي الأسعار فالناس تتضايق يقوم هو منزلها.
فعلا رئيس الوزرا زود الأسعار، بس الناس ما اتكلمتش، عادي خالص.
الريس استغرب قوي و قال لرئيس الوزرا "طب خلي الضرايب على المرتبات خمسين للمية".
زود الضرايب على المرتبات خمسين ف المية الناس هزت دماغها و سكتت.
الريس اتجنن و قال لرئيس الوزرا "بص، طلع أي قرار غشيم من عندك يخلي البلد تولع" رئيس الوزرا عمل ضريبة للي يعدي كوبري يدفع عشرة جنيه.
الناس نفخت و ضربت كف بكف و دفعوا.
رئيس الوزرا خلى اللي يعدي يدفع عشرة و عشرة و هو طالع م الناحية التانية.
الناس قالت اللهم طولك يا روح و أمرنا لله و دفعوا.
رئيس الوزرا كبرت ف دماغه و أمر إن اللي يعدي بعد ما يدفع عشرة و هو خارج م الكوبري ياخد على قفاه.
ونزل الريس بنفسه متنكر يتابع الموقف. الناس تدفع و هية معدية عشرة جنيه و عشرة جنيه و هية طالعة و تاخد على قفاها و تمشي.
شوية و لقى واحد بيزعق و متضايق، وطى على ودنه قال له "مالك؟" قال له "حاجة تقرف! أنا متعطل خمس ساعات..لازم يزودوا الناس اللي بتضربنا على قفانا شويه!!!!!!!!"

....................
زار احد الوزراء العرب صديقه الوزير البريطاني فاستضافه على الغذاء عندما وصل بيته وجد ان البيت أحد القصور الفارهه في بريطانيا و له حدائق شاسعه وتشطيباته من أفخم المواد فقال له: كيف بنيت هذا القصر الفخم ؟
ضحك الوزير البريطاني وقال لصديقه و هو يتجه الى النافذه و يفتحها تعال هنا ياعزيزي أنظر .. هناااااااااك أترى ذلك الكوبري ؟
فقال وزيرنا العربي نعم قال له انه كلف 100 مليون أسترليني و نفذناه بـ 90مليون بس ضحك صاحبنا الوزير العربي و قال له دا شئ عظيم
دارت الأيام وقام الوزير البريطاني بزيارة صديقه الوزير العربي فوجده يعيش في قصر أفخم من قصره و أكبر وأشيك بكتيير فأنبهر الوزير البريطاني وسأله كيف بنيت القصر هذا ضحك الوزير العربي
وقام واتجه الى النافذه وقال له تعال شايف المتحف اللى هناك ده الوزير البريطاني : لا مافيش متحف
فقال له الوزير العربي : أهو ده اتكلف 100 مليون دولار

..........................
فى إحدى الدول العربيه
إجتمع رئيس الدوله برئيس الوزراء لكى يقوم بتغيير وزارى جديد ، و يقيل رئيس الوزراء من منصبه....
(رئيس الوزراء متضرّعاً):
- يا سيادة الريـّس ، طول عمرى فى خدمتك و خدمة البلد ، أرجوك!
- آه ، بس إنت عارف بقى ، هيـــيييه ، هى دى سـُنـّة الحياه ، و الشعب بيحب التغيير ، سـُنـّة الحياه التغيّر ، إنته سـُنـّة
- يا سيادة الريس إشملنى بعطفك ، إدّينى فرصه تانيه
- يا عزيزى دا قرار و إنتهينا منـّه خلاص شوف كل الوزرا اللى راحوا ، ما فيش حد بيخلـِّد فى الكرسى ، هى دى سنة الحياه ، التغير سـُنـّة ، أنته زى سنة الحياه بالظبط ، إنته سـُنـّة
(رئيس الوزرا ، آخر أمـّا زهق)
- يعنى إشمعنى سـُنـّة الحياه دى بتيجى لغاية سيادتك و تقف ؟؟!!، إشمعنى سيادتك ما بـتـتـغيـّرش ؟! فين السـُنـّة دى بقى؟
عمـّال تقولـّلى إنته سـُنـّة إنته سـُنـّة!!
و سيادتك ؟! مش المفروض تكون سـُنـّة باردو؟!!
(رئيس الدوله):
- لا لا ، أنا مش سـُنـّة ، .... أنا فرض!!!