واحد من الناس
Admin
عدد الرسائل : 653
لأوسمة : 
الهواية : 
تاريخ التسجيل : 22/11/2008
 | موضوع: اية ال بيحصل فى .. كفر السودان بقلم المشاغب  الثلاثاء ديسمبر 15, 2009 11:53 pm | |
| إيه اللى بيحصل فى كفر السودان!!؟ بقلم المشاغب
فى ليله من الليالى كنت ماشى فى كفر السودان وسط أهلها الطيبيين وجوها الجميل وشبابها الجدعان . وكنت ماشى انا وواحد من شباب البلد بنتكلم عن مشاكل الشباب وعن اللى بيحصل فى البلد من تغيرات وعن الإيجابيات والسلبيات فى البلد
وعن الحاجات اللى شاغله بال الشباب وواخده كل تفكيرهم .
وفجأة ... لقيته بيقوللى : ياعم كفر السودان مين وشباب مين ؟
كفر السودان اتخربت خلاص وشبابها باظ واللى كان كان ..!
استغربت من كلامه وسألته وأنا بأعتب عليه إزاى تقول كده على بلدك وشبابها ؟
دا بلدنا معروفه وسط البلاد كلها بطيبة اهلها،وجدعنة ومرجلة شبابها
فضحك بسخريه وقال : لا دا كان زمااااااااااان
قلتله : ودلوقتى ايه اللى حصل يعنى ؟ ايه اللى حصل للبلد ولشبابها ؟
قاللى : ياإبنى انت مش عايش فى البلد ولا ايه ؟ ((دا كفرالسودان فجرت خاااالص))
قلتله تقصد يعنى عشان الأغانى اللى طالعه جديد دى اللى كل الشباب ماشيين مشغلنها فى الموبايلات والألفاظ الغريبه اللى بقت على السنة كل الشباب ؟؟
قاللى ياريت على حد الأغانى والألفاظ وخلاص .. دا فيه اللى اكتر من كده بكتيييير...! قلتله وانا محتار هوا ايه يابنى اللى اكتر من كده فى البلد ؟؟؟ يمكن احنا مش عايشيين فيها قاللى اللى أكتر من دا كله ياسيدى يبقى ( المخدرات )!!! فضحكت مستهزئاً هههههههههههههه مستحيل طبعا بلدنا يكون فيها اى نوع من انواع المخدرات زى ما بتقول دا الشاب من دول لما بيحب يشرب سيجاره بيستخبى عشان ما حدش يشوفه وبعدين دا الشاب بيشترى بنصف جنيه سجاير فى اليوم عشان ممعاهوش يشترى علبه بتلاته جنيه .. يبقى ازاى هايقدر يشترى حشيش ولا بانجو وكلنا عارفيين ان الحاجات دى اسعارها غاليه جدا وبعدين مش متوفره كده ولا اى حد يعرف يجيبها .. لا لا مش معقوله طبعا انت اكيد بتهزر قاللى يابنى الحشيش منتشر فى البلد الأيام دى أكترمن السجاير وبقى شئ عادى جداً بين الشباب. فلما لقانى مش مصدقه قاللى ياعم لوماانتش مصدق هاتللى فلوس وأنا أجيبلك الكميه اللى انت عايزها .. قلت ايه !!!؟؟ أصابتنى الدهشه ولم أكن استوعب الموقف ووقفت طويلاً وأنا غير قادر على استيعاب هذا الكلام. وتحدثنا بعدها كثيراً فى هذا الموضوع وقد تأكدت من صحة كلامه ولكنى حتى الآن فى حالة غريبه من الدهشه وقعدت أكلم نفسى { بقى هى دى كفر السودان ؟ هى دى أخلاق شباب كفر السودان؟ } وقلت بينى وبين نفسى لازم نشوف حل للمشكلة الكبيرة دى وطبعا مفيش غير حل واحد عشان نعرف نقضى على الظاهرة دي وهو إننا نعرف ايه الأسباب اللى بتدفع الشباب لهذه الأفعال فسألت وعرفت مين من شباب البلد بيتعاطى الحاجات دى وازاى بيجيبها ومنين ؟ وانضميت إلى كل هؤلاء الشباب لفترة طويلة عشان اعرف إيه اللي خلاهم يعملوا كده وإيه هيا طريقة تفكيرهم . فوجدت أن هذه هى الأسباب والدوافع لتعاطى المخدرات عند الشباب : 1- وأهم شئ طبعا الأصحاب اللي حواليهم 2-ضعف الوازع الديني عند بعض الشباب 3-وجود مشاكل عائليه أو عوامل نفسيه 4-توفر المال عند بعض الشباب مع انعدام الوعي الصحي والإشراف الأسري 5-التعاطي على سبيل التجربه يؤدي بالشباب إلى الوقوع فريسة للإدمان 6-الشعور بالفراغ 7-الاعتقاد بزيادة القدرة الجنسية 8-القدوة السيئة من قبل الوالدين مثل تعاطى رب الأسرة لهذه الأشياء 9-انشغال الوالدين عن الأبناء 10-التساهل في استخدام العقاقير المخدرة وتركها دون رقابة ودلوقتى بعد ما عرفنا كلنا الأسباب يا ريت كل فرد بيحب بلده وخايف عليها يساهم من ناحيته للقضاء على هذه الظاهرة المنتشرة في قريتنا كفر السودان | |
|
