واحد من الناس
Admin
عدد الرسائل : 653
لأوسمة : 
الهواية : 
تاريخ التسجيل : 22/11/2008
 | موضوع: الهوا هوايا /م.احمد شاكر  الثلاثاء يوليو 28, 2009 9:32 am | |
| الهوا هوايا بقلم . م . أحمد شاكر نادي العندليب منذ أكثر من ربع قرن : الهوا هوايا وكأنه كان علي يقين بأن هناك أجيال ستأتي الهوا مش هواها ...ما هو له حق برده ... الهوا زمان كان للتنفس وكان يقولك تعالي نشم هوا يعني نمشي في أي مكان شوية إنما النهارده هتشم هوا فين ؟؟ ... الهوا بقي مقسم إلي خمس أجزاء النصيب الأكبر لشركة فودافون ثم موبينيل ثم إتصالات ثم الدش ثم النت الهوائي ( الوايرليس )...أنا شخصياً فوق بيتي طبق دش متثبت مع أكسز وايرليس ومعايا خط فودافون وأصحابي اللي بيجوا لي معاهم موبينيل وإتصالات ... يبقي بذمتك فيه شبر في الهوا اللي حوالين بيتي نقي مفيهوش موجات كهرومغناطيسية ضارة؟؟!!! ... لذا فلا عجب أن تعرض شركة فودافون علي أحد المواطنين مبلغ مليون جنيه مقدم و30 ألف جنيه شهرياً مقابل تثبيت برج لهم علي سطحه مع العلم أن تثبيت برج علي السطوح في منتهي الخطورة علي قرية بأكملها والناس بدال ما تشم أكسجين تشم رسايل ورن وسجل المكالمات والبلوتوث اللي بأحس انه بيعدي من علي رأس الواحد من غير حتي ما يستأذن يا إما تلاقيك ماشي وقناة المحور معدية من تحت باطك عشان تروح لدش فارس يا إما تلاقي مثلاً الجزيرة واخده البلد كعب داير وتاخد البلد من حارة لحارة عشان تروح لدش الأستاذ محمد الحليسي مثلاً يا إما تنزل من علي سيدي علي بقي لو نازلة للشيخ مسعود وكله كوم والنت الهوائي كوم ... تلاقي في الهواء إيميلات الدنيا وانا أقول البرد كتر من إيه ؟؟!! ... المفروض الواحد ميقولش أنا مستهوي يقول أنا مستياهو ... وتلاقي مواقع في الجو ومنتديات أنا خايف كمان شوية يقولك غير مسموح لك بشم الهواء إلا بعد التسجيل. أنا باتوقع إن سنة 2050 إنك لو عايز حد هتكسل تتصل بيه عشان هتحتار تتصل بيه علي أي خط لأن هتكون العدة اللي معاه بتشيل 20 خط ولا حاجة ... كل اللي هتعمله ساعتها هتفتح اللاب توب علي الوايرليس بتاع نشات صابر وتفتح الجوجل إيرث اللي بيوريك العالم كله بس هيكون ساعتها صورة حية وتكتب اسم الشخص اللي انت عايزه ... البرنامج يقولك هو فين وفاضي ولا ايه ومزاجه عامل ايه النهارده وممكن تطلع لك رسالة زي كده : عفواً عزيزي ... الشخص الذي تطلبه لم يتم العثور عليه حتي الأن لكن يشتبه أن يكون سهران في قرنيشة ميمي ... جاري البحث عنه ... وفي حالة العثور عليه سيتم إرسال رسالة علي الدبوس الملصق بالوريد لتصل المعلومة لمخك صوتية بمكان الشخص الذي تبحث عنه .
لكن العندليب وجد من العصر الحديث من يرد عليه وقال : تعب الهوا قلبي!! وعجبي.
| |
|
